Gallia Aquitania

Gallia Aquitania was 'n provinsie van die Romeinse Republiek en die Romeinse Ryk. Die provinsie was geleë in die suidweste van moderne Frankryk tussen die Pireneë en die Garonnerivier wat nou as die Akwitanië (Frans: Aquitaine) bekendstaan. Keiser Augustus het die gebied tussen die Garonne en die Loirerivier by die provinsie gevoeg. Keltiese Gallië is tussen 58 en 50 v.C. deur Julius Caesar verower en in vier provinsies verdeel: Gallia Aquitania in die Suidweste, Gallia Celtica (of Gallia Lugdunensis) tussen die Loire en die Seine, Gallia Narbonensis in die Suidooste (rofweg waar Provence vandag geleë is) en Gallia Belgica waar die Lae Lande vandag geleë is. Die Romeinse provinsie Hispania Tarraconensis het Gallia Aquitania in die Suide begrens^[1][2]

1. ↑ John Frederick Drinkwater "Gaul (Transalpine)" The Oxford Companion to Classical Civilization. Ed. Simon Hornblower and Antony Spawforth. Oxford University Press, 1998. Oxford Reference Online. Oxford University Press. Gaul (Transalpine).
2. ↑ Roman History, Gallia, United Nations of Roma Victrix, Besoek op 27 Mei 2007